Eğitim Sen Şaxa Batmanê; ji bo balê bikişîne ser binpêkirina mafên mirovan ên li Tirkiyê û ji bo afirandina berhemên xweser û hêja yên wêjeyî, ev pênc sal in li ser navê ŞERZAN KURT (1989-2010) xelata çîrokan li dar dixe. Şerzan Kurt,dema li Zanîngeha Muğlayê dixwend di 12ê Gulana 2010 an de, di pevçûnekê de bigulleya polêsekî jiyana xwe ji dest dabû.
Komeleya Nivîskarên Kurd û Egitim-Sen şaxa Amadê pêşbaziyeka çîrokê bo xwendekarên lîseyê bi herdu kurdiyên kurmancî û dimilî çêdike. Hersê çîrokên serkeftî (yek, du, sê) xelatên diravî distînin. Çîrokên 4, 5, 6 û 7 dê xelata mansiyonê wergirin. Komeleya Nivîskaran di afîşa xwe ya pêşbaziyê de şertên pêşbaziyê û Lijneya Nirxandinê li jêrberçav dike.